الثلاثاء، 28 فبراير 2012

( قانون ) جرائم العلوماتية

مطر مطر مطر 
وفي العراق جوع

هذي الجملة البسيطة المأخوذه نصا من قصيدة لشاعر اسمه علم يرفرف في سماء العراق اذا نشرتها بعد المصادقة على ( قانون ) جرائم المعلوماتية ممكن تبيع بيتك حتى تسدد الغرامة
المادة ـ 6 ـ  يعاقب بالسجن المؤبد او المؤقت وبغرامة لاتقل عن (25000000) خمسة وعشرين مليون دينار ولاتزيد على (50000000) خمسين مليون دينار كل من استخدم اجهزة الحاسوب وشبكة المعلومات بقصد ارتكاب احدى الافعال الاتية:
             أولاـ إشاعة الفوضى بقصد إضعاف الثقة بالنظام الالكتروني للدولة.
             ثانياـ إثارة العصيان المسلح أو التهديد بذلك أو الترويج له أو إثارة النعرات المذهبية او الطائفية او الفتن أو تكدير الأمن والنظام العام أو الإساءة إلى سمعة البلاد.

باعتبار في العراق جوع اساءة الى سمعة العراق .

القانون ما بي مشكلة ابدا لكن مكتوب بطريقة مصممة لتكون مطاطة و من السهل وضع 7000 تفسير الها ، و يعقد الحياة اكثر من ما ينظمها.
كمدونين الفضاء الافتراضي هو ساحتنا الوحيدة و ما معقولة نترك هذا القانون العجيب يضيق علينا هذي الساحه، اوكي اكو مشاكل و اكو مواقع تدعم الارهاب و اكو مواقع تثير الفتن بس هذا القانون ضدنا مو ضد هذي المواقع ، هذا القانون بصيغة الحالية قمع للحرية مو علاج للمشكلات الامنية 
انا هذا اللي اشوفه و اعرف اكوغيري يشوف غير شكل ، لكن يا غيري خليك بمكان لاعب طوبة و تجي البلدية تريد تاخذ ساحته حتى تبني مجمع تجاري ممكن يكون بنائه بنفس المكان بشكل احلى و ما يأثر على الساحة شنو يكون رد فعلك ؟